近年香港室內網球練習場愈開愈多，唔少人都話「打波舒服咗好多」。其實室內場真係比起以前嘅室外網球練習場，同普通嘅網球full court比都多咗幾個優點，令新手同高手都覺得抵玩。以下三大原因，逐個同大家講清楚。
1) 新手高手都啱打：發球機一鍵開始
室內場最大嘅特色就係 發球機。
- 新手模式：零基礎都唔怕，機器已經預設好速度同落點，幫你打好基本功。
- 高手模式：可以自定旋轉、速度、落點，針對性提升技術。
一鍵開始，唔使搵對手，自己一個都可以練到爽，真係「邊打邊進步」。
2) 舒適環境，不受天氣影響
香港夏天熱到爆，冬天又濕又凍，戶外打波真係會又曬又辛苦，隨時打20分鐘休息10分鐘，打一陣就熱到冇癮。相反，室內網球場都有冷氣，環境清爽：
- 打波唔再同「身水身汗」掛鈎
- 唔怕落雨、唔怕曬，全年都可以打
- 更專注享受運動，而唔係忍受天氣
有咗室內網球練習場之後，大家都可以好好咁享受打網球嘅樂趣，而唔係擔心成身汗要即刻翻屋企
3) 容易打好基礎，少執波多打波
學網球門檻較高，教練費用亦唔平。室內場配合發球機，令學習更有效率：
- 新手先練好動作，再約朋友對打，唔會「兩個新手打極都打唔好」
- 球唔會飛到周圍，仲有 執波工具，減少浪費時間
- 有咗基礎能力之後，對打更流暢，學習曲線自然加快
當然，室內網球場對比室外full court都有比不上嘅地方，例如室內網球場對球員嘅腳法/腳步要求較低，無需左右跑動接波，所以我哋都建議大家唔好只打室外/室內，要兩者嘅訓練都做好，網球技術先有所提升
另一方面，一般康文署場地較為平，而室內網球練習場場費就較貴(部份場地最貴可達$120/30分鐘)，不過室內場則較為舒適有冷氣，而且可以利用發球機模仿教練Feed波，所以都有佢嘅優勢
部份室內網球練習場會提供唔同優惠，令球員可以以更優惠價錢享用室內網球發球機練習，例如TennACE Court 就有非繁忙時段收費，只需$70就可以打30分鐘，30分鐘最多可打超過300球! 室外絕對打唔到呢個數
而且更加設有試玩優惠價同套票優惠，降低室內網球嘅門檻，有興趣玩嘅可以去以下網頁睇睇先
室內網球推薦
