選擇一塊正確嘅新手網球拍，絕對會影響你之後嘅網球之路。揀錯咗，打波又冇手感，輸咗又分唔到係自己問題定係拍問題，隨時令你打一排就放棄。相反，買一支適合嘅球拍，可以令打波得心應手，雖則未能板板得分，但起碼會「敢出手」。
要揀到啱嘅球拍，最緊要有幾個重點，包括重量、大小、設計等。只有考慮清楚自己嘅目標，就可以知道邊一塊板適合自己
重點一：價錢
- 網球並非有貴裝備就有技術嘅運動，相反越貴嘅球拍對技術/擊球習慣要求就更高。初學者絕對唔應該盲目追求貴價球拍，否則只會落入「塊拍咁貴冇理由唔用，但塊拍又俾唔到感覺自己」嘅尷尬局面
- 對新手嚟講，應該以價錢適中/平為目標，店長自己更加非常推薦大家購買二手球拍，以更平價錢使用更適合球拍
重點二：重量
- 重量係新手最要留意嘅第一件事，太重好易傷手，同埋會揮唔起，太輕又會好「飄」，冇手感。
- 建議範圍：一般成人新手可以由「中輕」重量開始，手臂比較幼或女仔可以再揀輕少少。
- 點樣試：拎起拍，做幾個揮拍動作，問自己「可以輕鬆揮多十幾二十下嗎？」如果已經覺得壓力好大，就太重。
小貼士：唔好淨係拎喺手度「feel 重量」，要真係揮幾下先知。
重點三：板面大小
網球拍嘅板面通常以平方英吋square inches做單位，普遍由95 sq.in. 到110都有，較細嘅板面容錯較低，雖然只係差sq.in. 但對球手有天大分別，大部份人都唔係費達拿，唔好諗住自己係天才就揀啲低容錯嘅拍
-
建議範圍：一般新手推薦揀100 sq.in. 以上嘅球拍做第一塊拍，佢會令球拍嘅甜點sweet spot更大，即係更易打得啱位，更有手感更好控制個波
-
甜點 : 雖然網球拍嘅板面好大，但大家其實都係以甜點為目標，只有用甜點區打中網球嘅波先會比較控制到，而甜點區大概只有一隻手掌心嘅大小，喺面對快波嘅時侯要準確用咁細嘅位置打中波係好困難的，所以網球先有高門檻
重點四：握把大小
網球嘅握把有分唔同大細，主要係由最細嘅Grip 0去到最粗嘅Grip 4，香港人普遍適合用Grip 2，女士主要係Grip 1-2，男士則主要係Grip 2-3，如果揀錯大小就好易打錯手勢，甚至因為錯誤發力而受傷，所以一定要揀啱大小
大家買拍時可以考慮直接問店員自己適號咩Grip Size嘅球拍，又或者可以根據下圖教學嘅指南，一般而言當拎好球拍後，無名字同手指公下方肌肉中間可以放到一隻手指就為之正確
只要按以上四點去揀球拍，你就好大機會可以揀到一塊適合自己嘅第一塊球拍
要記住，佢只係你嘅一塊過渡球拍，無需用太多錢買塊貴拍，最緊要嘅係買一塊適合自己嘅拍，你先會有手感繼續打網球
如果都係唔肯定咩球拍適合自己/想問多啲，歡迎直接搵我哋
